पुण्याला भेट देताय? मग पुण्याच्या ह्या अस्सल खाद्यपदार्थ ठिकाणांना एकदा भेट द्यायलाच हवी

अरिहंत मिसळ हि चिंचवड मधील अशी एकमेव मिसळ आहे जी झणझणीत आणि मिसळीवर तरंगलेल्या लाल भडक तऱ्हीसाठी प्रसिद्ध आहे…याठिकाणी सकाळच्या नाश्त्यापासून ते संध्याकाळच्या पाणीपुरीपर्यंत सर्व प्रकार खाण्यासाठी उपलब्ध असतात. त्यातल्या त्यात मिसळ,भेळ आणि भडंग अरिहंत मिसळची खासियत आहे. वेगवेगळे पाणीपुरीचे आणि भेळीचे प्रकार इथे मिळतात…मिसळीसाठी लागणार मसाला म्हणजे राजापुरी हळद,आल्याच्या प्रमाणापेक्षा लसणाचे प्रमाण जास्त,बारीक केलेला कढीपत्ता,तऱ्हीसाठी ब्याडगी मिरची आणि विशीष्ट अशी वापरलं जाणार कडधान्य म्हणजे खास शेलम मटकीचा वापर या मिसळीसाठी केला जातो….

इतर ऋतूंच्या तुलनेत उन्हाळ्यामध्ये या मसाल्यांचे प्रमाण कमी केले जाते. कारण उन्हाळ्यामध्ये मानवी शरीराला उष्णतेची गरज कमी असते त्या तुलनेत हिवाळ्यामध्ये उष्णतेची जास्त प्रमाणात गरज असल्याने एकूण आरोग्याची काळजी ऋतुमानाप्रमाणे अरिहंत मिसळवाले घेतात. मिसळीसाठी लागणार मसाला सांगली,कोल्हापूर आणि केरळ मधून मागवला जातो.

या ठिकाणी मिसळीचे विविध प्रकार खाण्यासाठी उपलब्ध असतात.त्यातल्या त्यात मिसळ सर्विंगची इथली पद्धत म्हणजे अरिहंत मिसळ हि दही,कांदा आणि काकडी बरोबर सर्व्ह केली जाते.