मिश्र डाळींचे आप्पे

भरपूर प्रमाणात प्रोटीन देणारी आणि झटपट अशी रेसिपी जर तुम्हाला हवी असेल.. जी तुम्ही ब्रेकफास्ट अथवा स्नॅक्स मध्ये कधीही बनवू शकता, तर मिश्र डाळींचे आप्पे बेस्ट रेसिपी आहे. ह्याच पिठाची तुम्ही इडली देखील बनवू शकता .पण आप्पे मऊ आणि क्रिस्पी होतात. म्हणून गरम गरम आप्पे खायलाच काही मज्जा येते.

मिश्र डाळींचे आप्पे बनवण्यासाठी लागणारे साहित्य:

तांदूळ – १ वाटी

उडीद डाळ – १/२ वाटी

मुगाची डाळ – पाऊण वाटी

चण्याची डाळ – पाऊण वाटी

चवीपुरतं मीठ

आणि आप्पे भाजायला थोडंसं तेल

मिश्र डाळींचे आप्पे बनवण्याची कृती :

प्रथम तांदूळ आणि डाळींचे सगळे जिन्नस स्वच्छ धुवून घ्यावेत. त्यानंतर एकत्रच साधारण ३-४ तास भिजत ठेवावे.

३-४ तासांनी तांदूळ आणि डाळी छान भिजल्या जातात. ३-४ तासांनी सगळे जिन्नस मिक्सर मधून फिरवून घ्यावेत. आणि इडली सारखं बॅटर तयार करावं. आणि त्यानंतर ४-५ तासांसाठी फेरमेंटेशनसाठी ठेवावं. ४-५ तासातच पीठ चांगलं फुलून येतं.

त्यानंतर तयार बॅटरमध्ये चवीपुरतं मीठ टाकून आप्पे आप्पम पॅन मध्ये टाकावे. आप्पे छान दोन्ही बाजूने झाकण ठेवून ५-१० मिनिटे शिजवून घ्यावी.

तयार आप्पे गरम गरम नारळाच्या चटणी सोबत सर्व्ह करावीत.

जर तुम्हाला वेळ नसेल तर पीठ न भिजवता (फेरमेंटेशन) त्यात थोडा खायचा सोडा आणि इनो टाकून लगेच आप्पे आप्पम पॅन मध्ये टाकावीत. 
खूप सॉफ्ट आणि क्रिस्पी बनतात हे आप्पे…. आणि मुलांसाठी खूप हेल्थी असा ऑप्शन आहे. तर हे आप्पे नक्की ट्राय करून बघा आणि आम्हाला कंमेंट बॉक्स मध्ये तुमच्या प्रतिक्रिया नक्की कळवा.