Skip to content Skip to sidebar Skip to footer

मंगळागौरीसाठी खास उखाणे

मंगळागौरीला वाहिल्या सोळा पत्री
रावांची आहे मी कुशल ग्रुहमंत्री

लग्नानंतरची पहिली मंगळागौर
साजरी करत आहे मी माहेरी
रावांच्या पसंतीची साडी नेसून चंदेरी

मंगळागौरीच्या पुजेसाठी केले दिवे सोळा
रावांचे नाव ऐकायला सख्या झाल्या गोळा

पानाफुलांनी सजवले मंगळागौरीचे मख़र
राव नित्य करतात माझ्यावर प्रेमाची पाखर

सोळा दिव्यांनी केली देवीची आरती
राव आहेत माझ्या संसाररथाचे सारथी

Mangalagour ukhane in marathi

गौराईच्या भाळी शोभे कुंकवाचा टिळा
रावांना आवडतो अंबरातला घननिळा

मंगळागौरीची कहाणी ऐकायला सख्या झाल्या गोळा
रावांचा स्वभाव आहे अगदी साधाभोळा

मंगळागौरीनिमित्त सवाष्णींची भरते गव्हाने ओटी
रावांच्या नि माझ्या प्रितीला कधी न लागो ओहोटी

मंगळागौरीनिमित्त केलाय  थाट
आईने दिले मला लाडवाचे ताट
रावांना बसायला मांडते चंदनी पाट

मंगळागौरीदिवशी घडी मोडली नव्या साडीची
रावांनी हाती दिली चावी नव्या गाडीची

हंड्यावर ठेवले हंडे सात त्यावर ठेवली कळशी
रावांचं नाव घेते मंगळागौरीच्या दिवशी

Mangalagour ukhane in marathi

मंगळागौरीसमोर फुलांची आरास
राव लावताहेत आम्रपर्णांचे तोरण दारास

शिवाला मिळवण्यासाठी गौरीने केली तपश्चर्या घोर
राव आहेत माझ्या दिलाचे चितचोर

पार्वतीच्या तपश्चर्येने भोलेनाथ झाले खूश
रावांनी लावलाय रानात ऊस

शिवपार्वतीच्या लग्नात होती ब्रह्माची उपस्थिती
रावांची होवो उत्तरोत्तर प्रगती

शिवाच्या प्राप्तीसाठी माता पार्वतीचा उपवास
सदोदित लाभावा मज रावांचा सहवास

Mangalagour ukhane in marathi

घुमू  दे घागर घुमू दे
खेळात जीव रमू दे
गौराईच्या क्रुपेने
रावांना उदंड आयुष्य लाभूदे

भोलेनाथांच्या मनात माता पार्वतीबद्दल आदर
रावांच्या सेवेत मी नित्य सादर

रेशीम लुगडं नं कोल्हापुरी साज
रावांचं नाव घेते मंगळागौर आज

मंगळागौरीपुढे लावली समईची जोडी
रावांमुळे आली माझ्या जीवनात गोडी

देवीच्या समोर ठेवले सातारी पेढे
रावांचं नाव घ्यायला कशाला आढेवेढे

दारापुढे काढली ठिपक्यांची रांगोळी
रावांचं नाव घेते मंगळागौरीच्या वेळी

गौरीमध्ये गौर बाई मंगळागौर
रावांचा रुबाब आहे सगळ्यांत और

Mangalagour ukhane in marathi

रिमझिम पावसात थुईथुई नाचे मोर
रावांच्या नावाने पुजते मंगळागौर

मंगल देवी मंगल माते साष्टांग नमन करते
रावांची नं माझी जोडी राहो अभेद्य, आशिष मागते

मंगळागौरीची ओटी भरते वाकून
रावांचं नाव घेते साऱ्यांचा मान राखून

श्रावणातील मंगळवारी
रंगतात मंगळागौरीचे खेळ
रावांचं नाव घ्यायला
मला लागत नाही काळवेळ

गौराईच्या मुद्रेवर प्रसन्न भाव
सर्वांच्या आग्रहाखातर घेते रावांचं नाव

Mangalagour ukhane in marathi

फुलात फुल कमळाचं बाई कमळाचं
श्रीविष्णुला वहायचं बाई वहायचं
रावांविना मला माहेरी नाही करमायचं

मंगळागौरीसमोर रेखाटली रांगोळी सुरेख
रावांच्या प्रगतीचा व्रुद्धिंगत होवो आलेख

हाती बिलवर कंठी मोतीमाळ
शोभून दिसते गौरी माय
अंगणात हंबरते कपिला गाय
रावाची माया जणू दुधाची साय

मंगळागौरीला नमन करून

खेळ खेळते जुने नवे

राव येता जीवनी

आणिक सुख ते काय हवे!

मंगळागौरीला खेळ खेळतो झिम्मा फुगडी
रावांना आणायला सांगेन मी मोत्यांची बुगडी

मंगळागौरीदिवशी पिंगा आला रंगात
रावांची रिंगटोन वाजतेय माझ्या कानात

Mangalagour ukhane in marathi

हिमालय पर्वतावर शिवपार्वतीचा वास
रावांचं नाव घेते मंगळागौर आज

नाकात मोत्याची नथ, गळ्यात कोल्हापुरी साज
रावांच्या नावाने मंगळागौर पुजते आज

हाटला अंधार पसरला प्रकाश
माहेराची माया गौराईची क्रुपाद्रुष्टी
रावांसोबत लग्न लागताच
रंगभरली दिसू लागली स्रुष्टी

जाईजुईचा गजरा गौराईच्या वेणीत
मधाचा गोडवा आहे रावांच्या वाणीत

सासूबाई आहेत ऑफिसर सासरे आहेत प्रोफेसर
राव असतात सर्व आघाड्यांवर अग्रेसर

चिरेबंदी वाडा, वाड्यात सात खोल्या
सात खोल्यांतली मधली खोली
पहिली मंगळागौर तीत पुजते
सौभाग्याचा आशीर्वाद देवीपाशी मागते
रावाचे कौतुक सख्यांना सांगते

गौराई  पुढ्यात पेटवला सुगंधी धुप
रावांचं आहे राजबिंड रुप

Mangalagour ukhane in marathi

महादेवास प्रिय बेल, श्रीविष्णू तुळशी
रावांचं नाव घेते मंगळागौरीदिवशी

कापुराच्या वाती तेजाळल्या अंबेपुढे
रावांचं नाव घ्यायला कशाला आढेवेढे

गौराईच्या भोवती दरवळ सोनचाफ्याचा
रावांनी आणला बाजुबंद सोन्याचा

मंगळागौरीची पूजा मनोभावे करते
रावांसाठी देवीकडे दिर्घायुष्य मागते

गुलाबांचा हार गौराईच्या गळ्यात
रावांचं नाव घेते सख्यांच्या मेळ्यात

मंगळागौरीनिमित्त हळदीकुंकू घालते
रावांच नाव घेऊन सख्यांचा मान राखते

Mangalagour ukhane in marathi

मैत्रिणींसवे घेते झोक्यावर झोके
रावांचं नाव घ्यायला कशास आळोखेपिळोखे

हिरवागार निसर्ग,
रिमझिम पावसाच्या सरी
गौराईचं करते पूजन
आली वाटतं रावांची स्वारी

फुलून आलय अंगण
पिंग्यानं धरलय रिंगण
रावांच्या नावाचं केलय मी
हातावर गोंदण

पोरी पिंगा गं पोरी पिंगा गं
पोरी पिंगा गं पोरी पिंगा
गौराईसमोर रात्र जागवते
रावांसाठी सुख, ऐश्वर्य मागते

फुगडी फू बाई लुगडी धू
मी न्हाई तू बाई मी न्हाई तू
नाव घे नाव घे म्हणते प्राजू
रावांचं नाव घ्यायला कशाला लाजू

गाजला होता हिंदी सिनेमा नया दौर
रावांच्या नावाने पुजली मी मंगळागौर

किस बाई किस दोडका किस
दोडक्याची फोड लागली गोड
रावांच्या प्रेमाला नाही तोड

वाऱ्याचा स्पर्श होता कळी खुदकन हसली
रावांचे नाव घेता गाली लाली चढली

पानाफुलांनी सजवते मंगळागौरीचे मखर
राव करतात माझ्यावर प्रेमाची पाखर

सासूबाईंची माया सासऱ्यांचा दरारा
माहेरची तनुजा रमली रावांच्या घरा

फु बाई फु फुगड्या
गौरीपाशी खेळू चला
रावांवरची टळू दे हरएक बला

तांदूळ सड बाई तांदूळ सड
राव घेतात मातोश्रींची कड

चहा बाई चहा गवती चहा
राव म्हणे चारच दिवस माहेरी रहा

–सौ.गीता गरुड.

Leave a Comment

error: