अस्सल मराठमोळा पोशाख असणाऱ्या खणाने परत फॅशन च्या जगात प्रवेश केला. खणाच्या साड्यांमध्ये बाजारात पुष्कळ प्रकार पाहायला मिळतात. अगदी ५०० रुपयांपासून सुरु होणारी साडी २५ हजारांच्या खण पैठणी मधेही उपलब्ध आहे. खण हा प्रकार पारंपरिक जरी असला तरी खणाच्या साडीला एक डिझायनर टच मिळाला. पूर्वी काही रंगातच मिळणार खण आता अनेक सुंदर रंगात मिळू लागलं. या खणात मुखत्या: हॅन्डलूम वर बनणारे खण आणि पॉवरलूम वर बनणारे खण असे दोन प्रकार आहेत. हॅन्डलूम वर बनवलेले खण हे रेशमाचे असते आणि हे खण थोडे महाग असतात. याऊलट पॉवरलूमवर बनणाऱ्या चांगल्या प्रतीच्या खणात ७० ते ८० टक्के कॉटन असते आणि कापडाला चकाकी येण्यासाठी २०-३०% रेयॉन आणि आर्ट सिल्क असते. म्हणून पॉवरलूमवर बनणाऱ्या खणाची किंमत सर्वसामान्यांना झेपेल एवढी असते. स्वस्तात मस्त अशी हि खणाची साडी सणावाराला अगदी उठून दिसते आणि प्रत्येक स्त्रीच्या वॉर्डरोब मध्ये असायलाच हवी.