IPL 2021 in marathi | आयपीएल 2021
IPL 2021 in marathi | आय.पी.एल. 2021
इंडियन प्रीमयर लीगचा (IPL 2021) १४ वे पर्व अखेर परत सुरू झाले. २००७ मध्ये भारताने पहिला टी-२० वर्ल्डकप जिंकला आणि भारतामध्ये या जलदगती क्रीडा प्रकाराने प्रचंड लोकप्रियता मिळवली.
तुम्हाला असा प्रश्न पडतो का, हे आय.पी.एल. नेमक आहे तरी काय? आपल्या बऱ्याच मित्रांना क्रिकेट मध्ये फार रुची नसल्याकारणाने आय.पी.एल. बद्दल माहिती नसेल. त्यासाठी संपूर्ण लेख वाचा जेणेकरून तुम्हाला आय.पी.एल. बद्दल तर माहिती मिळेलच आणि त्यासोबतच आपलं २०२१ चे सामने आणि संघ ह्याबद्दलचीही माहिती मिळेल.
Table Of Contents:
#1. आय.पी.एल. काय आहे, आय.पी.एल. ची पार्श्वभुमी (What is IPL, formation of IPL)
इंडियन प्रीमयर लीगचा (IPL 2021) १४ वे पर्व अखेर परत सुरू झाले. २००७ मध्ये भारताने पहिला टी-२० वर्ल्डकप जिंकला आणि भारतामध्ये या जलदगती क्रीडा प्रकाराने प्रचंड लोकप्रियता मिळवली. त्यानंतर द्वीपक्षीय टी-२०सामन्यांची वाढत जाणारी लोकप्रियता पाहून अखेर बोर्ड ऑफ कंट्रोल फॉर क्रिकेट इन इंडिया ( बीसीसीआय) ने एक प्रोफेशनल क्रिकेट सामने आयोजीत करण्याचं नियोजन केलं आणि आयपीएलचा जन्म झाला. आणि त्यात सगळ्या देशांचे खेळाडू मिळून एकत्र एकच संघाचा भाग बनून खेळू लागले.आणि एक प्रचंड यशस्वी स्पर्धा म्हणून आयपीएल ओळखली जाऊ लागली.२०२० मध्ये आलेल्या कोरोनाने मात्र आयोजकांवर प्रचंड दबाव आणला.
पण प्रेक्षक शिवाय स्पर्धा आयोजित करण्याचं ठरवलं गेलं.आणि ती स्पर्धा संयुक्त अरब अमिराती मध्ये पार पडली. यावर्षी मात्र भारतामध्ये ही स्पर्धा आयोजित करायची अस ठरवून बीसीसीआय ने एप्रिल मध्ये आयोजन केलं.खेळाडूंना बायोबबल मध्ये राहून नियमांच पालन करण्यासाठी संघाना प्रतीबद्द करण्यात आल. पण २९ सामने खेळवले गेल्यानंतर कोरोना ने चेन्नई विरुद्ध मुंबई सामन्यादरम्यान शिरकाव केला आणि हा सामना रद्द झाला.पुढे सगळे सामने स्थगित करण्यात आले.आणि अखेर १९ सप्टेंबर पासून ही उर्वरित स्पर्धा संयुक्त अरब अमिराती मध्ये आयोजित करण्यात आली आहे.
#2. IPL 2021 Schedule | आय.पी.एल. २०२१ वेळापत्रक
IPL 2021, ९ एप्रिल २०२१ पासून आयोजित करण्यात आली होती . यामध्ये ६० सामने खेळवले जाणार होते. पण ३१ सामने शिल्लक असताना कारोनामुळे स्पर्धा स्थगित करण्यात आली. ती आता १९ सप्टेंबर पासून पूर्ण करण्यात येणार आहे उर्वरित सामन्यांचे नियोजन संयुक्त अरब अमिराती मध्ये करण्यात आले आहे.
#3. IPL 2021 Teams | आय.पी.एल. २०२१ सहभागी संघ
Royal challengers Bangalore (RCB):
सध्या सगळ्यात जास्त चर्चा ठरतेय ती या संघाची .याच कारण म्हणजे कर्णधार विराट कोहली.
नुकताच विराट कोहलीने येत्या टी-२० वर्ल्डकप नंतर भारतीय टी-२० संघाचं कर्णधारपद सोडणार असल्याचं जाहीर केलं होत. सगळीकडे या धक्कादायक निर्णयाची चर्चा असतानाच नुकताच त्याने आरसीबी संघाच्या कर्णधारपदी हे आपलं शेवटचं आयपीएल आहे अस जाहीर केलं आहे.त्यामुळे पुढे काय हा एक मोठा प्रश्न आरसीबी व्यवस्थापन पुढे आहे . एबी डेविलियर्स, ग्लेन मॅक्सवेल, चहल यांसारख्या गुणी खेळाडूंचा भरणा असलेली आरसीबी एकदा पण विजेतेपद मिळवू शकली नाहीये.
चेन्नई सुपकिंग्ज (CSK) | Chennai Super Kings:
भारताचा सर्वात यशस्वी आणि अनुभवी कर्णधार म्हणून आपलं नाव सिद्ध केलेल्या महेंद्रसिंग धोनीच्या नेतृत्वाखाली हा संघ घोडदौड करत आहे. ब्रावो , फाफ डू प्लेसिस , सुरेश रैना सारखे अनुभवी खेळाडू , ऋतुराज गायकवाड , दीपक चहर सारखे गुणी युवा खेळाडू आणि सगळ्यांना मार्गदर्शन करणारा धोनी सारखं कर्णधार २०२० आयपीएल वगळता आतापर्यंत खेळलेल्या सगळ्या आयपीएल मध्ये या संघाने प्ले ऑफ फेरी गाठण्याची किमया केली आहे आणि तीन वेळा आयपीएल चे विजेतेपद सुद्धा पटकावलं आहे.
मुंबई इंडिन्स (MI) | Mumbai Indians:
एक अनुभवी, गुणी ,युवा कर्णधार रोहित शर्मा आणि त्याच्या नेतृत्वाखाली डी कॉक,पोलार्ड सारखे धूमधडाका फलंदाज , ईशान किशन, सूर्यकुमार यादव सारखे तडाखेबंद युवा फलंदाज, बुमराह , बोल्ट सारखे धडकी भरवणारी गोलंदाजी, हार्दिक पांड्या,कृणाल पांड्या सारखे अष्टपैलू असा समतोल साधलेला एक बलाढ्य संघ आणि विजयाचा प्रबळ दावेदार. या संघाने तब्बल ५ वेळा ही स्पर्धा जिंकली आहे.
पंजाब किंग्ज (PBKS) | Punjab Kings:
के. एल. राहुलच्या नेतृत्वाखाली खेळणारा हा संघ . क्रिस गेल, डेव्हिड मलान, निकोलस पुरण सारखे फलंदाज, मयंक अगरवाल, सरफराज सारखे युवा खेळाडू, मोहंमद शमी सारखे अनुभवी गोलंदाज .पण अद्याप सुर गवसलेला दिसत नाही. त्यामुळे विजयासाठी धडपडताना ह संघ दिसतो.
राजस्थान रॉयल्स (RR) | Rajasthan Royals:
संजू सॅमसन सारखं नवखा पण गुणी फलंदाज या संघाचा कर्णधार. जोस बटलर ,बेन स्टोक्स,रॉबिन उथप्पा, डेव्हिड मिलर सारखे गुणी खेळाडू, त्यागी, उनाडकात सारखे युवा गोलंदाज. पहिल्या आयपीएल जे जेतेपद मिळाल्यानंतर मात्र संघाची कामगिरी खालावलेली दिसते.यावर्षी मात्र संघ सुरात कामगिरी करेल अशी आशा आहे.
सनरायसर्स हैद्राबाद (SRH) | Sunrisers Hyderabad:
डेव्हिड वॉर्नर सारख्या तडाखेबंद फलंदाजाच्या नेतृत्वाखाली हा संघ गेल्यावर्षी भलत्या लयीत होता. मात्र यावर्षी ती लय हरवलेली दिसतेय. केन विलियमसन , शिखर धवन, जॉनी बरिस्तो सारखे फलंदाज ,मनीष पांडे सारखे अनुभवू भारतीय युवा खेळाडू ,भुवनेश्वर कुमार सारखं अनुभवी गोलंदाज,रशीद खान सारखं धोकादायक युवा गोलंदाज यांसारखे खेळाडू संघात आहेत पण अद्याप सुर गवसलेला नाहीये दिसत. या आयपीएल मध्ये २०१६ मध्ये आपलं पाहिलं जेतेपद मिळवलं होत.
कोलकाता नाईट रायडर्स (KKR) | Kolkata Knight Riders:
शाहरुख खानच्या मालकीची ही टीम सुरवातीला घेतलेल्या तडाखेबंद फलंदाजीने भलतीच उजेडात आली होती.पण कामगिरी मात्र सुमार ठरत गेली. त्यानंतर गौतम गंभीरच्या नेतृत्वाखाली कामगिरीचा दर्जा उंचावत गेला.सध्या मॉर्गनच नेतृत्व किती पुढे घेऊन जात ते पहायचं आहे. टीम मध्ये सुनील नरिन, दिनेश कार्तिक नितीश राना सारखे खेळाडू,अंद्रे रसेल सारखं धडकी भरवणारा अष्टपैलू खेळाडू, कमिन्स सारखे गुणी गोलंदाज कागदावर दिसणारा भक्कम संघ मैदानावर कसा खेळ करतो ते पाहण्यास उत्सुकता आहे.
दिल्ली कॅपिटल (DC) | Delhi Capital:
ऋषभ पंत, श्रेयस अय्यर या युवा खेळाडूचे नेतृत्व जास्तीत जास्त खेळाडू युवा अननुभवी परंतु कौशल्यपूर्ण. त्यात यावर्षी आलेला अजिंक्य राहणे, अश्विन,अमित मिश्रा,स्मिथ सारखे अनुभवी खेळाडू यामुळे या संघाची ताकद प्रचंड वाढली आहे.यांची मैदानावरची कामगिरी सुद्धा प्रचंड उत्तम आहे.आणि आपल्या पहिल्या जेते पदाकडे आगेकूच करताना हा संघ दिसत आहे.
#4. IPL 2021 Time Table
आधी सांगितल्याप्रमाणे एप्रिल, मे मध्ये अनुसूचित केलेली IPL 2021 काही कारणास्तव स्थगित करण्यात आली होती. काही खिळाडूंची covid-19 चाचणी पॉजिटीव्ह आल्या कारणाने २९ मॅच नंतर हि स्पर्धा मे मध्ये स्थगित करण्यात अली होती. ३० व्या मॅच पासून सप्टेंबर मध्ये IPL 2021 पुन्हा एकदा आयोजित केली आहे. त्यासाठीचे वेळापत्रक खाली नमूद केले आहे.
हे देखील वाचा:
